ᲗᲥᲕᲔᲜᲘ ᲢᲔᲚᲔᲤᲝᲜᲘᲣᲙᲕᲔ ᲞᲐᲡᲣᲮᲝᲑᲡ

კი, და ეს პირველი, რაც უნდა შეამოწმოთ: ზემოთ ხაზი ცოცხალია, საკუთარი ხმით დაელაპარაკეთ. ქართულად ორი ნამდვილი ქართული ხმა პასუხობს, ტამარა და ლევანი, სხვა ხმა არ არსებობს. ესმის ის, რასაც კლიენტი ნამდვილად ამბობს და არა მხოლოდ სწორად ნათქვამი სიტყვა: სტრიჟკა, მასტერი, ჩექი აენთო, ზეთს ჭამს, ნაუშნიკები. ენას პირველი წინადადებით ცნობს და გადართვა არ სჭირდება: ქართული, რუსული და ინგლისური ხმით, აზერბაიჯანული და სომხური ჯერ მხოლოდ ტექსტით. თუ ხაზზე ხმაურია ან კლიენტი ჩურჩულებს, ვერ გაიგებს და გამეორებას სთხოვს, ისევე როგორც ადამიანი.

არ იგონებს. ეს ერთადერთი წესია, რომელსაც ვერაფერი ცვლის. თუ პასუხი თქვენს კონფიგურაციაში არ წერია, ზუსტად ამას ამბობს: „ზუსტად ვერ გეტყვით, ადმინისტრატორი გადმოგირეკავთ და დაგიზუსტებთ.“ შემდეგ ეს ზარი თქვენს პანელში ჩნდება ნომრით და კითხვით, რომ ადამიანმა დაასრულოს. თუ სამჯერ ვერ გაიგო ნათქვამი, თვითონ იბარებს ნომერს და ხაზს ხურავს. ცოცხალ ინფორმაციას, მაგალითად თავისუფალ მაგიდას ან საწყობში მარაგს, არასდროს ადასტურებს, რადგან ამას ვერ ხედავს.

მიხვდება, პირველივე წამში, რადგან თვითონვე ეუბნება. ყოველი ზარი ასე იწყება: „გამარჯობა, [ბიზნესის სახელი]. ავტომატური ასისტენტი ვარ და ზარი იწერება. რით დაგეხმაროთ?“ ამის გამორთვა არც შემიძლია და არც მინდა: ეს კანონის მოთხოვნაცაა და ის ადგილიც, სადაც ნდობა იწყება. ადამიანად თავს არასდროს აჩვენებს. კლიენტი ზარს იმიტომ არ წყვეტს, რომ რობოტმა უპასუხა, წყვეტს მაშინ, როცა არავინ პასუხობს.

რჩება. ახალ ნომერს არ იღებთ, ვიზიტკებსა და აბრას არ ცვლით. გადამისამართებას თქვენივე ტელეფონიდან რთავთ მოკლე კოდით: მაგთიკომზე **61*ნომერი# აგზავნის იმ ზარებს, რომლებსაც ვერ უპასუხეთ, **67*ნომერი# კი დაკავებულ ხაზზე შემოსულს. ანუ ჯერ თქვენი ტელეფონი რეკავს და ასისტენტთან მხოლოდ დაკარგული ზარი მიდის. ##002# ყველაფერს უკან აბრუნებს. ორი რამ წინასწარ: გადამისამართებულ ზარს ოპერატორი თავისი ტარიფით ითვლის, ეს თქვენს პაკეტში ერთად შევამოწმოთ, და ქალაქის ნომერზე კოდი არ მუშაობს, იქ გადამისამართებას ოპერატორი რთავს.

სწორედ ასე ვაყენებ ხოლმე. ნაგულისხმევი სქემით ჯერ თქვენი ტელეფონი რეკავს და ასისტენტი მხოლოდ იმას იჭერს, რასაც ვერ მოასწრებთ. თუ დღეს თავისუფალი ხართ, ##002# კრებთ და ყველა ზარი ისევ პირდაპირ თქვენთან მოდის. ერთი რამ პირდაპირ ვთქვა: უკვე დაწყებულ ზარს შუაში ვერ ჩამოართმევთ. თუ კლიენტი ადამიანს ითხოვს, ასისტენტი ან გადმოგრთავთ, ან ნომერს იბარებს და მერე გეუბნებათ, ვის რა უნდოდა.

იწერს და კანონიერია, თუ სამი პირობა დაცულია. პერსონალურ მონაცემთა დაცვის 2023 წლის კანონი, რომელიც 2024 წლის პირველი მარტიდან მოქმედებს, აუდიომონიტორინგზე ითხოვს: კლიენტი ზარის დასაწყისშივე უნდა გააფრთხილოთ, უნდა გქონდეთ წერილობითი პოლიტიკა იმაზე, თუ რას იწერთ, რატომ და რამდენ ხანს ინახავთ, და ჩანაწერთან წვდომა მხოლოდ იმას უნდა ჰქონდეს, ვისაც ის სამუშაოდ სჭირდება. გაფრთხილება მისალმებაშივეა ჩაწერილი და ვერ გამოირთვება. პოლიტიკის ქართულ ნიმუშს დაყენებისას გაძლევთ, შენახვის ვადას თქვენ ირჩევთ და ვადის ბოლოს ჩანაწერი ავტომატურად იშლება. ჩანაწერიც და ტექსტიც იმავე პანელშია, სადაც ჯავშნები. კანონის წინაშე მონაცემების პატრონი ბიზნესი ხართ თქვენ, მე დამმუშავებელი ვარ. იურისტი არ ვარ და ხელშეკრულებამდე ამ ნაწილს თქვენს იურისტს ვაჩვენებდი.

თქვენი ინტერნეტი ამ ზარს არ ეხება. ასისტენტი თქვენს სალონში ან ოფისში არ დგას, სერვერზე მუშაობს, ზარი კი ოპერატორის ქსელით მოდის. ანუ თუ ადგილზე დენი ან ვაიფაი გაითიშა, ხაზი მაინც პასუხობს. თუ თვითონ სერვერს მოუვა რამე, სიმართლეს გეტყვით: იმ წუთებში გადამისამართებული ზარი დაიკარგება. ხაზს მონიტორინგი ადევს, შეფერხებაზე შეტყობინება პირდაპირ მე მომდის, და სანამ ვასწორებ, თქვენ ##002# კრებთ და ზარები ისევ თქვენს ტელეფონზე ბრუნდება. ასპროცენტიან უწყვეტობას ვერავინ დაგპირდებათ და მეც არ დაგპირდებით.

მწერთ ან მირეკავთ და ვცვლი. ფასის შესწორება ან ახალი ოსტატის დამატება იმავე დღეს კეთდება და ცალკე არ ღირს. მთელი მენიუს გადაკეთებას ან ახალ მომსახურებას ცოტა მეტი დრო უნდა, რადგან ყოველი სახელი და ფასი ქართულად, სიტყვებით და ყველა ბრუნვაში იწერება, თორემ ასისტენტი ციფრს წაიკითხავს და ყალბად ჟღერს. ერთი რამ ღიად ვთქვა: საკუთარი პანელი, სადაც თვითონ შეცვლიდით, ჯერ არ არსებობს. ვაკეთებ, მაგრამ დღეს ეს ცვლილება ჩემზე გადის.

იგივე, 250 ლარი თვეში. ფასი ზარების რაოდენობას არ მიჰყვება და თვეში 500 ზარამდე შედის. გარიგება ორივე მხარისთვის პატიოსანია: მშვიდ თვეში მზადყოფნაში იხდით, დატვირთულში კი ერთი ცვლის ადმინისტრატორზე ნაკლები გამოგდით, რომელიც 800 ლარიდან იწყება. სწორედ ამიტომაა პირველი კვირა უფასო: ჯერ თქვენს ნამდვილ ზარებს დაითვლით, მერე გადაწყვეტთ. დაყენება ცალკეა, 500 ლარი ერთხელ.

ერთი შეტყობინება საკმარისია. ვადიან ხელშეკრულებას არ გთხოვთ და ჯარიმა არ არსებობს: გადახდილი თვე ბოლომდე მუშაობს, შემდეგზე უბრალოდ აღარ იხდით. გადამისამართებას თქვენივე ტელეფონიდან ხსნით, ##002#, და ნომერი ისევ თქვენია, ხელუხლებელი. წასვლამდე ჯავშნებსა და ჩანაწერებს ფაილად გაძლევთ, შემდეგ კი მონაცემებს ვშლი. დაყენების საფასური არ ბრუნდება და ამას წინასწარ ვამბობ.